Shirkadda HP Oo Soo Saartay Laptop ka Dunida Ugu Khafiifsan Q/W: Eng Mohamed Abubakar Abdulkadir

Shirkadda caalamiga ah ee HP ayaa shir tiknoolajiyadda la xidhiidha oo horraantii bishii aynu soo dhaafnAy ee Abriil ka dhacay magaalada Versailles ee dalka Faransiiska waxa ay ku soo bandhigtay Kombiyuutarkii ugu casrisanaa ee ay samaysay oo ah nooca ballaca muraayaddiisu tahay 13.3 Inch oo ay shirkaddu u bixisay Spectre.

Kombiyuutarkan oo u samaysan qaab laga soo dhegtay shandadaha iyo qalabka ay dumarku qurux ahaanta u qaataan, ayaa lagu tilmaamay Kombiyuutarka gacmeed (Laptop) ee dunida oo dhan ugu khafiifsan, waxa aanu dhinaca dhumucda kula tartamayaa Kombiyuutarka shirkadda gacanta (Laptop) ee MackBook 12 oo ay soo saarto shrkadda Apple, waxase uu kaga sii fiican yahay dhinaca shaashadda iyo awoodda mishiinkiisa.

Kombiyuutarkan ay soo bandhigtay shirkadda Hp qoloftiisa sare waxa ay ka samaysan tahay, macdanno iyo Karboon taas oo sabab u ah in uu fudayd aad ah noqdo, adkaysigiisu bato, isla markaana tayada samayskiisu aad u weynaato. Kombiyuutarkan oo ah jiilka lixaad ee mishiinka Intel waxa uu ka kooban yahay laba nooc oo kala ah, Cori5 iyo Cor i7, RAM kiisa oo 8 GB ah, qaadkiisa guduhu (Internal disk storage) waa 512 GB, waxa aanu leeyahay nidaam is-qaboojineed oo aad u casri ah. Kombiyuutarkan casriga ah ee HP Spectre waxaa la socda sameecado dheeraad ka ah kuwa ku samaysan.

Waxaa xiise gaar ah leh awoodda dhinaca baytariga ee Kombiyuutarkan oo ay shirkaddu xaqiijisay in uu muddo 9 saac iyo badh ah shaqaynayo baytarigu halkii mar ee la buuxiyo. Ugu dambayntiina waxa ay shirkaddu sheegtay in diiwaangelinta dadka ugu horreeya ee iibsanaya kombiyuutarkani ay bilaabantay 25^kii bishii aynu ku soo dhaafnay ee Abriil, waxa aanu iibkiisu ku furmayaa qiime dhan Kun, boqol iyo toddobaatan (1’170) Doolar, iyada oo suuqyadana si rasmi ah loogu soo deyn doono bishan aynu ku jirno ee May, 22 keeda. Sidoo kale shirkaddu waxa ay soo bandhigi doontaa noocyo si gaar ah loo iibinayo oo ah kombiyuutarkan oo qoloftisu ka samaysan tahay dahab nooca 18 giraam loo yaqaanno ah iyo macdanno kale oo qaaliya.

in Badan si aqri...

Sababaha Keena Dhagaxaanta Kilyaha,4 Astaamaha & Siyaabaha Looga Hortagi Karo Q/W: Eng Mohamed Abubakar Abdulkadir

Dhagaxaanta ku samaysma kilyaha ayaa kamid ah xaaladdaha ugu badan ee saameeya in badan oo kamid ah bukaanada lagu arko goobaha caafimaadka. Dhagaxaantaan ayaa ah qurubyo yaryar oo ka samaysan macaadiinta kala duwan kuwaasoo ku dhaga inta badan meelo kamid ah kilyaha ama mararka qaar xubno kale oo kamid ah habka kaadi mareenka. Waxay la fahansanyahay inay yihiin elementiyo (Macdano) kala duwan kuwaasoo ku aruuray meel kamid ah killada, kadibna adkaada kuwaasoo ugu danbeyn keena in uu isbadal ku yimaado habka shaqada ee kilyaha.

Kilyaha ayaa usamaysan inay qabtaan shaqooyin kala duwan kuwaasoo muhiimad gaar ah u leh jirka, waxaana kamid ah shaqooyinka kilyaha, Inay saaraan wasaqda kasoo harta ficilladda uu jirku ku samaynayo cunadda si uu uga sameeyo tamar, taasoo ay kamid yihiin yuriya iyo yuric asid oo loo saaro kaadi ahaan, kilyahuhu waxay kontoroolaan heerka isku dheeli tirnaanta elementiyada jirka waxayna xadidaan inuu ku yimaado farqi saamayn ku yeelanaya shaqada jidhka, waxay saxaan pH-ka jirka kaasoo hadii uu ku yimaado farqi ama isu dheeli tirnaan la’aan ay dhacayso xaaladdo ama xanuuno soo wajaha jirka. Waxay si joogta ah u kontoroolaan heerka cadaadiska ee dhiiga iyo xadkiisaba. Waxay soo daayaan hormoono qayb muhiim ah ka qaata shaqada kale ee jirka, sida kuwa sameeya unugyada dhiiga cas iyo kuwa joogteeya dib u nuugista biyaha iyo cusbada.

Xanuunada ama cillada ku dhaca kilyaha sida dhagxaanta ku samaysma qayb kamid ah killida waxay keenaysaa in isbadul uu ku yimaado inbadan ama dhamaanba shaqooyinka ay qabtaan jirku taasoo ugu danbeyn keena karta heer ay ku gabaan shaqadooda.

Cabirka ama baaxada dhagaxaanta ayaa kala duwanaan kara, waxaa suurgal ah in hadii uu yaryahay cabirka dhagaxu uu soo raaco kaadida, iyadoo uusan sababin xanuun ama cilad baahsan. Hadiise ay baxadiisu ay weyntahay waa ay adagtahay inuu soo raaco kaadida.

Maxaa Sababa dhagaxaanta Kilyaha

Waxaa la aaminsanyahay in sababta ugu weyn ee marxaladaani ay tahay markii walxaha ay ka samaysantahay kaadidu sida Kalshiyam iyo yuric asid ay bataan cadadkoodu ayna ku ururaan qaybta dhexe ee kellida ama qaybta hoose ee ay ka baxaan kanaalada qaada kaadida. Sidoo kale waxaa yar dheecaanka ama biyaha mili kara walxahaan taasoo qayb baaxad leh ka qaadata inay samaysmaan. Qodobada kale ee lala xiriiyo dhagaxaanta ayaa waxaa kamid ah cayilka, dhaxal, fuuqbaxa, qalliinka mindhicarada, daawooyinka qaar, iyo cunooyinka ay ku badantahay elementiga loo yaqaan sodiyam.

Waa maxay Astaamaha

Dhagxaanta kilyahu waxaa macquul ah inaysan keenin wax astaan ilaa ay u ugudbaan qaybta dhexe ee killida (medulla) ama kanaalka ka baxa kelida ee kaadida geeya kaadi-haysta. Astaamaha la dareemo waxaa kamid ah,

* xanuun laga dareemo qaybta dhexe/hoose ee dhabarka kuna fidiyada qaybta hoose ee caloosha iyo gumaarka

* Xanuun la dareemo xiliga kaadida

* Cadadka kaadida oo ka yar mararka caadiga ah

* Adkaanshaha in la sugo ama la dheereeyo waqtiga kaadida.

* Kaadida oo midabkeedu uu is badal ku yimaado una ekaado basali

* Urka kaadida oo siyaado noqdo

* Dhiig soo soo raaca kaadida

* Lalabo ama matag

* Qandho la dareemo hadii uu infekshan la socdo

* Iyo xanuunka oo is badbadala kuna ekaan hal meel.

Noocyada Dhagxaanta Kilyaha

Calcium Oxalate: waa nooca ugu badan ee lagu arko bukaanada lasoo darsa marxaladaan, lana xariira walaxda loo yaqaano ogsalate taasoo laga helo noocyo kamid ah cunada, qudaarta iyo miraha, lawska iyo shukulaatada. Beerka ayaa sidoo kale soo saara walaxdaan. Waxyaabaha ay ka imaan karto oo kale waxaa kamid ah qaadashada joogtada ah ee Vitamin D iyo qalliinka lagu sameeyo mindhicaraha. Qodobadaan dhamaantood ayaa keeni kara in cadadka ogsalate ay siyaado kadibna ku ururto kilyaha/kaadida maadaama ay kilyuhu nadiifiyaan dhiiga iskuna dheeli tiraan heerka macaadiinta jirka.

Struvite Stones: noocaan ayaa yimaada markii uu jiro infekshan ku dhaca hab ka kaadi mareenka ee jirka. Dhagaxaanta noocaan ah ayaa u kori kara si xawli ah iyadoo uu cabirkoodu siyaado, mararka qaar ma jiraan wax astaan ah oo muujinaya.

Uric Acid Stones noocaan ayaa ku dhici kara dadka aan cabin biyaha ku filan ama cuno cunnooyinka ay ku badantahay borotiin, ama dadka qaba gout-ka. Waxaa sidoo kale dhacda inay la xariiraan dhaxal.

Cystine Stones noocaan ayaa ku yimaada dhaxal waxuuna ku dhacaa dadka kilyahoodu ay saaraan noocyo kamid ah amino acids, waana xanuun ku yimaada dhaxal

Sidee looga hortagi karaa

Waxaa kamid ah siyaabaha kala duwan ee looga hortagi karo dhagxaanta kilyaha, in la joogteeyo cabida biyaha, in la cuno cunooyinka aysan ku badnayn maadada cusbada taasoo qayb kanoqon karta habka ay dhagxaantu u samaysmaan, in la yareeyo cunooyinka ubadan hilibka kuwooda gaduudan ee xoolaha, in la yareeyo ukunta iyo waxyaabaha ay ka imaan karaan dhagxaantu sida shukulaatada shaaxa, iyo lawska.

Q/W: Eng Mohamed Abubakar Abdulkadir

somaliasoftware@gmail.com

in Badan si aqri...

Maxaa Kordhin Kara Caanaha Hooyada Ilmaha Nuujisa?

Sidee ku ogaan karaa in caanaha aan soo saaro ay ku filan yihiin ilmahayga ?

Waa iska caadi in ay hooyo walbaa ka walwasho caano siinta ilmaha mar ay bilawdo naas nuujinta marka kaligaa ma ahan walwalkaan ,hooyoyin badan ayaa ka walwala inta ay dhanyihiin caanaha naaskeeda iyo in uu helo caano ku filan si u daboolo bahida koriinkiisa

Sida oogu fiican ee aad ku ogaan karto inaad soo saarayso caano ku filan ilmahaaga waa ilmaha miisankiisa oo siyaado iyo heerka koriinka caadiga ah, waa iska caadi ilmaha yarka inuu lumiyo maalmaha yar ee ugu horeeya misaankiisa laakiin dib wuxu kordhaa miisankiisa 3-4 maalmood dhalashadiisa kadib waxaa caado ah ilmaha ama dhalaanka marka ay jogaan 14 malmood in ay dib ugu noqdaan misaankii marka ay dhasheen ahaayeen .

Waxaa jira calamado kale oo aad ku karan karto in ilamahaaga yar uu helay caano ku filan sida:

• Naas nuujinta inaad ka dareento raaxo iyo xanuun la’aan.
• In ilmaha yar naas nuujintiisu noqoto 6-8 (lix ilaa sideed) jeer maalinkii iyo uu qanco naas nuujinta ka bacdi
• In aad naasaha ka dareento faaruq ama madhnaansho iyo jileec naas nuujinta ka bacdi.
• Waxa aad arki kartaa ama maqli kartaa ilmahaaga marka uu laqayo caanaha.
• Wuxuu ilmuhu naaska u sii daynayaa iskiis.
• Wuxu ilmuhu kaadshayaa 24kii saac ugu yaraan 7 jeer markuu xaaro xaarkiisu waa jaale ay la socdaan kuus kuus yar.

Dhibku ma ahan caano yaraanshaha laakiin waa intee in la’eg oo caano ah ayuu heli karaa ilmahaagu ?
Naas siinta ilmaha si joogta ah in ku filan waxay muhiim u tahay inay kaa caawiso inaad soo saarto caano joogta ah oo ku filan ilmahaaga , hadii uu yahay ilmahaagu mid hurdo badan waa inaad u toosisaa si maskixiyan ah una siisa naaska waxay taasi sabab u noqonaysaa in uu naaskaagu soo saaro caano badan jirkuna wuxuu la qabsanayaa caanihii looga baahan jiray maalinkii .

Hadii aad ka joojiso naas nuujinta ilmahaaga ood u bilowdo caanaha ilmaha yaryar(formula) sida ankarta waxay sabab u noqonaysaa in caaanaha naaskaagu yaraadaan

Hadii aad badiso naas nuujinta ilmaha canaha naaskaagu way badanayaan
Hadii aad ka shakido caano yaraansho ama aad ka shakido miisaanka ilmahaada la xidhiidh dhakhaatiirta si ay talo kuu siiyaan.

Cuntooyinkee la aaminsanyahay inay kordhiyaan caanaha naaska?

Inkastoo ay yartahay cadaymaha lagu hayo baadhitaan cilmiyaysan (scientific research) dad ayaa aaminsan in cuntooyinkan kordhiyaan caanaha naaska waxaayna soo jireen fac ka fac hoyooyin badan oo irmaan waxay iminsanyihiin in cuntooyinkan cawiyeen.

Xuusuusnow in aad cuntooyinkan u cunto si meel dhaxaad ah qayb haka ahaadaan cuntooyin aad cunto maalinkii ha cunin dhirta ama daawo dhireed adoon la tashan dhakhaatiirta.

Xulbada:
Waxaa mudo dheer loo isticmaalayay in lagu kordhiyo caanaha. Xulbada waxaa ku jira fiitamiino caafimaad badan oo u fiican hooyooyinka ilmaha nuujiya sidoo kale waxaa ku jira dufanka caafimaadka leh ee loo yaqaan omega 3 kaasoo muhiim u ah kobaca maskaxda ilmaha. Xulbada waxaa kaloo ku jira birta iyo macdanta calcium.

Fennel:
Waa geed dhaqameed kordhiya caanaha naaska waxaa kale oo uu hoyooyinka ka cawiyaa ka hortaga gaaska iyo calool xanuunka ilmaha.. Waxaa u egyahay xawaash dhuudhuubka.

Toonta:
Xanuuno badan ayay dawo u tahay sida kor u qaadida difaaca jirka, ka hortaga wadna xanuunka sidoo kale toontu waxay u fiicantahay hooyada irmaan waxay u qaadaa caanaha naaska ,lakiin hadaad cunto toon badan waxay saamayn ku yeelanaysaa dhadhanka iyo urta caanaha naaska.

Akhriso: Faaidooyinka caafimaad ee toonta

Caleenta cagaaranKhudrada caleenta cagaaran sida koostada waa ilaha oogu fiican macdanta sida birta, kaalshiyamta, foolatka (folate), sidoo kale fiitamiin A waxaa kaloo la aaminsanyahay in ay kor u qaadaan caanaha naaska hooyada irman marka hooyada irmaan waxaa lagula taliyaa in ay cunto maalinkii 1-2 mar.

Sisinta
Waa il qani ku ah macdanta kaalshiyaamta (calcium) waana macdan muhiim u ah hooyada irman ama lamaan.

Misirta
Khaasatan misirta casaanka ah ama guduudan ma kordhiyaan oo kaliya caanaha naaska ee sidoo kale waa isha brotiinka waxay leedahay oo kale fiber badan iyo iron.

Sidoo kale waxaa jira contooyin kale oo kordhiy caanaha naaska sida

• Sareenka
• Xawaash dhuudhuubka
• Lawska
• Boorashka

Saalaxida naaska ma kaa caawin karaa soo saarida caanaha naaska?

Naasaha oo la salaaxo ma kordhiyaan caanaha naaska ,lakiin waxay furaan xididada ama tuyuubada xidhan ayay furaan  waxay bi’yaan kuus kuuska naasaha waxay yareeyaan khatarta naasaha
Si walbo ooy ahaato waa in si maskixiyan ah loo salaaxaa naasaha hadii sii xoog ah loo salaaxo waxaa dhawacmaya xididada ka soo saara naaska caanaha

Waxaa fiican in aad adigu salaaxato madaama aad dareemayso cadaadiska ay u baahanyihiin.

W/D: Sacdi Caweer

in Badan si aqri...

Tarikhada computer 4aad by Eng: Mohamed Abubakar Abdulkadir

waa khebtii ugu dameysey ee barnamisha ka waxaana kaso hadlene Tarikhada computer ka

kadib marki an ka so hadalne Personal Computers oo loo soo gaabiyo PC

 wanaa Xalkhada 4aad.

halkan ayee no jogtey waxey u dhaceysey sidatan .......

in Badan si aqri...

Tarikhada computer Personal Computers oo loo soo gaabiyo PC by Eng: Mohamed Abubakar Abdulkadir

Personal Computers oo loo soo gaabiyo PC 

1987-kii waxay Apple soo saartay Mac II oo watay processor loo bixiyey 68020. Islaa sanadka xiga 1988-kiina waxa soo baxay Mac IIx oo wadatay processor-ka 68030 waxaana ku xigay processor-ka 68040. 1984 waxay Apple soo saartay Power Mac oo watay processor ay ka wada shaqeeyeen IBM, Apple iyo Motorola oo loo yaqaan PowerPC.

Sanadkii 1989 waxay Intel soo saartay processor-ka loo yaqaan 80486 loona soo gaabiyo 486. Processor-kaasi aad ayuu suuqa u qabsatay oo waxaa soo baxay kubiyuutarro aad u fara badan oo wata processor-kaas isla markaana si aad ah ayaa loo gatay. Markaa ayaa waxaa dhacday in shirkado kale oo aan ahayn Intel ayna ka mid yihiin Cyrix iyo AMD ay sameeyaan processor wata magaca 486. Taasi waxay keentay in Intel ay ka xumaato islamarkaana ay ku dacwooto in shirkadahaasi ay ku xad gudbeen xuquuqda Copyright-ka Intel. Waxayse maxkamaddii arrintaas la hor keenay go'aamisay in maadaamaa 486 ay tahay tiro, aanay cidina gaar u sheegan karin. Intel halkaas ayaa dacwadii looga adkaaday oo way weyday wax ay ku difaacdo magaca 486.

Sanadkii 1993 waxay Intel soo saartay processor-kii ku xigay 486. Laakiin halkii laga filaayay inuu magaciisu noqon doono 586 waxay u bixisay Pentium. Taasna waxay u yeeshay si ay ugu suurtowdo in ay sharci ahaan Copyright uga difaacdo shirkadaha kale inay magcaas la baxaan. Kadibna waxaa si isdaba joog ah u soo baxay Pentium MMX, Pentium Pro, Pentium II iyoPentium III oo hadda ugu dambaysay.

Itaas ayaan casharkaan ku joojinaynaa. Casharka xiga waxaan hadduu rabbi idmo ku soo qaadan doonnaa dhismaha guud iyo qeybaha ay PC ka kooban tahay. Ka dibna casharrada ku sii xigaa ayaan mid mid ugu soo qaadan doonnaa mid kasta oo ka mid ah qeybahaas

in Badan si aqri...

Tarikhada kumbiyuutarka Personal Computers 4aad ee Xalkhada manta by Eng: Mohamed Abubakar Abdulkadir

in Badan si aqri...

wax ka ogaawo Talooyin Kaa Caawinaya In Battery-ga Laptop-kaaga In Mudo Ah Ku Hayo Eng: Mohamed Abubakar Abdulkadir

Battery-ga laptop-ka waa qalab aad u muhiim ah waliba marka uu cusub yahay laptop-ka ama battery-ga wuxuu u baahanyahay in la daryeelo oo laga warqabo halkaan waxaan idin kugu soo gudbineeynaa talooyin ka caawin kara in batter-ga computer-kaada dabka haayo in mudo ah.

1. Mark uu cusubyahay battery-ga

Markaad laptop ama battery cusub soo gado waxaa aad iyo aad loo soo jediyaa in battery-ga uu damba ku jiro mudo dhan 24 saac. Charger-gareeynta 24 saac batter-ga waxeey ka dhigeeysa mid full charge ah isla markaana wuxuu ka caawinayaa in battery-ga noloshiisa dheeraato.

·         F.G: marka uu full charger dhoho waa inaadan sugin ilaa uu battery low ka dhahaayo mar alaalo markuu gaaro rate-ka uu ubaahdo charger-ka inuu qaato ayaa muhiim ah

2. Battery-ga ka bixi computer-ka hadii in mudo aadan isticmaaleeynin

·         Hadii badanaa aad laptop-ka isticmaaleeyso asigoo kujira korontada isla markaana uu yahay full charger ama uusan aheeyn (marka uu batter-ga haleeysanyahay) batter-ga ka saar computer-ka oo si toos ah dabka kasii meesha ugu dhaw.

Hadii aadan qorsheeyneeynin inaad laptop-ka isticmaasho wax ka badan bil battery-ga waa inuusan ku sii jirin laptop-ka hadii xitaa computer-ka uu dansanyahay.

·  Marki aad battery-ga computer-ka ku soo celineeyso waxaa muhiim ah inta aad computer-ka isticmaalin ka hor battery-ga charger full ka dhigto.

3. Isticmaal Hibernate

Isticmaalid hibernate isticmaal inta aad isticmaali leheed sleep marki aad hibernate u dirto computer-ka wax dab ah dhan ma isticmaalaayo hadaba hadii aadan isticmaaleynin computer-ka waxaa haboon inaad hibernate y dirto.

4. Computer-ka ka fogee heerkurka

Battery-ga iyo computer-ka waxaa u fiican in laga fogeeyo kuleeylka sababtoo ah kuleeylka wuxuu sababa in battery-ga uu dhakhsi dhamaado.

   Computer-ka si kuleeylka uga ilaaliso qeeybta maraxawada wixi ku aadan ka leexi si kuleeylka computer-ka ku jiro uu banaanka uga soo saaro taas cagsigeeda waxeey keeneeysa in computer-ka uu kuleelka ku laabto.

in Badan si aqri...

Shirkadda Microsoft: waxeey so sarte Laptop Aad U Tayo Badan Oo Lagu Magacaabo Surface Book wanaa Markii Ugu Horeys ee so sarto

Shirkadda caanka ah ee Microsoft ayaa markii ugu horreysay soo saartay Kombiyuutar gacanta lagu qaato oo ay iyadu samaysay, uguna wan-qashay magaca Surface Book Pro waxa aanay ku faantay in Laptop kan ay soo saartay uu leeyahay awood aad u badan iyo hawl-gudasho ka fiican dhammaan Kombiyuutarrada (Laptop) gacanta ee shirkadaha kala duwan ee dunidu soo saaraan, gaar ahaan Kombiyuutarka inta la og yahay hadda ugu fiican ee MacBook Pro oo ay soo saarto shirkadda ay aadka u tartamaan ee Apple.

Shirkadda Microsoft waxa ay sheegtay in tilmaamaha iyo wanaagga xad dhaafka ah ee tayada iyo habsami u shaqaynta kombiyuutarkani ay ka dhigayso in uu noqdo Laptop ka keliya ee jira, wanaagga ay u tirisayna waxaa ka mid ah in aanu ahayn Laptop keliya, balse uu sidoo kale noqonayo Tablet ay u bixisay Sufrace Tablet oo la mid ah SAMSUMG Tablet iyo iPad ka. Waayo waxa uu leeyahay batam loogu talogalay oo marka la riixo si sahal ah u kala reebaya qaybta shaashadda iyo qaybta batamada xuruufta ee Kombiyuutarkan, taas oo fududaynaysa in marka ay labada qaybood kala hadhaan qaybta shaashadda kelideed la qaato loona isticmaalo Tablet ahaan.

in Badan si aqri...

Sidee Waqtiga Loo Qorsheeyaa ama loo maamula?

Waqtigu waa nimco ka mid ah Nimcooyinka ugu qaalisan ee Illaahay (SWT) inoogu deeqay si aynu uga faa’idaysano, waana mid ka mid ah waxyaalaha Uu Illaahay inaga xisaabin doono Maalinta Qiyaame. Waqtigu waa cimriga qofka waana hantida kaliyaata ee aan la kaydin Karin. Saacad kasta oo ku dhaaftana waxaad u dhawaatay qabrigaagii, ma ogid intaad noolaanayso ama se waqtiga aad haysato si aad u noolaato, laakiin waxaad u baahantahay inaad ka faa’idaysato intaad neefsanayso.

Ma joojin kartid ama se waxba kuma dari kartid waqtigaaga laakiin waxaad awood u leedahay inaad ka faa’idaysato.

Waqtigaaga oo aad qorshayso waa noloshaadii oo aad qorshaysay. Nolol qiimo leh oo qaab qurxoon haddii aad rabtana waxa kaa xigta inta aad waqtigaaga qorshaynayso.

Maxaa Waqtiga Loo Qorsheeyaa?

Qof kastaaba waxa uu jecelyahay, inuu nolosha meel sare ka gaadho; oo uu noqdo mid waxtar leh laguna hirto.

Haddii aanad hawlahaaga iyo waqtigay kugu qaadanayso qabashadoodu kuu qorshaysnayn, noloshaadu qiimo yeelan mayso, oo way dhadhan beelaysaa!.

Noloshu dhammaanteed way qorshaysantahay, oo Aduunyada idil ahaanteedba Illaahaybaa qorsheeyey. Bal u fiirso ilbidhiqsigu waxa uu sameeyaa Mirir, Mirirkuna waxa uu sameeyaa Saacad, Saacaduna waxa ay samaysaa Maalin, Maalintuna waxa ay samaysaa Toddobaad, Toddobaadkuna waxa uu sameeyaa Bil, Bishuna waxa ay samaysaa Sanad, Sanadkuna waxa uu sameeyaa Qarniyo.

Haddii aad dayacday ilbidhiqsi ka mid ah waqtigaaga waxa aad dayacday qayb ka mid ah noloshaadii.

Waqtiga waxa loo qorsheeyaa in laga faa’idayso oo wax badan lagu qabsado laguna noqdo qof wax soo saar leh oo la tartami kara filkii, Ogoow Aduunyada waxaad u joogtaa tartan, oo waxaad u tartamaysaa inaad ku guulaysato Janno.

Si aad ugu guulaysato tartankaas waxaad u baahantahay inaad waqtigaaga qorshaysato.

Waxyalaaha waqtiga lumiya

1: Hurdada badan

2: Qorshayn la’aanta hawlaha

3: Waxyaalaha lagu madadaalo sida  Muuqbaahiyaha (TV), Social Media

( Facebook, Whatsapp, Instigram, Twitter), Gaymamka (Play station) IWM.

4: Firaaqada badan ee qorshaha lahayn

5: Hadaf la’aanta

6: La kulanka badan ee asxaabta lala qaato

7: Ka qaybgalka Xafladaha aan muhiimka ahayn

8: Ku hadalka Mobile-ka waqtiyo badan

9: Mashquulka badan ee aan macnaha lahayn

10: Qabashada hawlo badan mar kaliyaata

11: Isticmaalka Maandooriyayaasha sida Qaadka.

12: Caajiska

13: Mooganaanta macnaha nolosha iyo waqtigaba

Qaababka ugu wanaagsan ee loo qorsheeyo Waqtiga:

1: Faham: inaad fahamto dhibaatada kaa haysata qorshayn la’aanta waqtigu, waa talaabada ugu horaysa ee kuu sahlaysa inaad waqtigaaga qorshaysato. Haddii aanad ku baraarugsanayn arintaasna way adagtahay inaad ku kacdo ficil aad ku qorshayso waqtigaaga.

2: Qaado go’aan: hawl kasta marka la bilaabayo waxay u baahantahay inaad ka gaadho go’aan cad, marka aad ogaato dhibaatada ay leedahay waqtiga oo ka luma, waxay kuu sahli kartaa inaad ka gaadhi karto go’aan.

3: Tax Qorshayaashaada:  soo qaado Buug iyo Qalin oo fadhiiso meel bilaa buuq ah, qor oo tax dhammaan qorshayaashaada, ugu danbaya dooro saddexda hawlood ee aad rabto inaad qabato kana gun gaadho.

4: Jadwal maalmeed samayso: Jadwal maalmeedkaagu waa talaabada ugu way nee aad ku guulaysan karto taas oo kuu horseedi karta qorshe nololeed oo cad, Marka aad qorshaysato maalintaada waxa hubaal ah in uu toddobaadkaaguna qorshaysnaanayo, toddobaadkaagu haddii uu qorshaysnaadana Bishaada ayaa qorshaysnaanaysa, Bishaadu haddii ay qorshaysnaatana, Sanadkaagaa qorshaysnaanaya, Sanadkaagu haddii uu qorshaysnaadana, Noloshaadoo dhanbaa qorshaysnaanaysa. ( Mar kaliya ha isku dayin inaad hawlo fara badan qabato, ama aad deg deg isku badasho, waxay qaadanaysaa waqti ee u samir)

5: Iska ilaali qabashada hawlo badan mar kaliya:  inaad hawlo badan qabato waxay ku dhaxalsiinaysaa inuu waqti badan kaa lumo wax soo saarkaaguna hoos u dhaco, hawl kasta waqtigeeda sii oo mid kale ha u gudbin ilaa aad dhamaynayso.

6:  Is xisaabi:  In aad habeenkii marka aad sii seexanayso, is xisaabisaa waxay ku dhaxalsiinaysaa inaad ogaato natiijadii hawlgalkaaga, waxa kale oo aad ka helaysaa dhiirigalin, sidoo kale waxaad ogaanaysa xaddiga uu isbedelkaagu le’eg yahay.

7: Habeenkii Jadwal maalmeedkaaga sii samayso:  bar bilowga maalintu waa Salaada Subax, si uu kuugu fududaado hawl maalmeedkaagu, dajiso jadwal maalmeedkaaga habeenkii, inta aanad seexan ka hor, taasi waxay kuu sahlaysaa inaad subaxa marka aad kacdo hawlgakaaga aad ku gasho si xamaasadaysan.

8:  Aaamin:  haddii aanad aaminin inaad qorshayashaada ku guulaysanayso, col hortii ayaad jabtay, aaminaadu waa awooda ku dhaxalsiinaysa inaad hesho firfircoonida aad ku hawl galayso.

9: Ka dheeroow Caajiska:  Caajisku waa awood dilaha qof kasta oo uu haleelo, haddii aad qof caajisa noqotana hawlgal ma fulin kartid.

10: Talo saaro Illaahay: Dhammaan hawlahaaga Aduunyo waxa kuu sahli kara Illaahay (SWT) hawl kasta oo aad u kacaysana haddii aanad Illaahay talo saaran noqon mayso hawl midho dhal fiican leh.

Q/W Eng: Mohamed Abubakar Abdulkadir

sawiiro:

in Badan si aqri...

Sababaha Keena Sanboorka Iyo Sida Loola Tacaali Karo Q/W:Eng: Mohamed Abubakar Abdulkadir

Waa maxay Sanboorka?
Sanboorka (Rhinitis) waa xanuun ka mid ah xanuunada xajiinta ama allerjiga, wuxuu ku dhici karaa da’ kasta.
Waxyaabaha kiciyo xanuunkaan waxaa ka mid ah: boorka, qiiqa, daawooyinka iyo cunnooyinka qaar.

Maxaa lagu gartaa?
Waxaa lagu gartaa calaamadahaan hoos ku xusan:
1- Hindhiso
2- Cuncun sanka ama indhaha
3- San-dudur
4- Cabursanaan
5- Duuf

Sanboorka waxuu la socon karaa xanuunada allerjiyada kale sida allerjiga indhaha, allerjiga maqaarka iyo allerjiga hawo-mareenka (Neefta/Xiiqa).

Inkastoo sanboorka uusan ahayn xanuun halis ah, laakiin waa dhibaato saameyn karto nolol maalmeedkaaga.
Qofka isku og sanboorka waa inuu iska ilaaliyaa waxyaabaha kiciyo sida busta, qiiqa, carafta iyo waxyaabaha kiimikada ah.

Maxaa keeno Sanboorka?
Waxaa kaloo kiciyo hargabka, cimillada qabow, cunnooyinka kulul ama dhanaanka ah, cabitaanka aashitada leh, daawooyinka sida “Asprin, Ibuprofen, daawooyinka dhiig karka iyo xittaa daawooyinka sanka lagu buufiyo oo loo isticmaalo sanboorka laftirkiisa way keeni karaan, hadduu qofka la qabsado.

Waxaa kaloo kicin kara isbadalka hormoonada jirka ku dhaca sida xilliga uurka, caadada iyo qaadashada daawooyinka ka hortagga uurka iyo welwelka / diiqada.

Ma jiraan xanuuno kale oo xiriir la leh Sanboorka?
Waxaa jiro dhowr xanuun oo ka dhalan karo ma xiriir la leh sanboorka waxayna kala yihiin:
1- Hilibka Sanka ka soo baxo,
2- Caabuqa sanqada,
3- Caabuqa dhagta
4- Xajiinta
5- Neef ama Xiiq,
Sidee loo daaweyn karaa sanboorka?
Sanboorka ma laga bogsado, qofkane kama baxo ee markuu kugu kacsan yahay yaa daawo dajiso ama damiso loo qaataa waana sida lagu yaqaano xanuunada allerjiga la xiriira.

Waxaa jiro daawooyin badan oo loo qaato allerjiga iyo sanboorka, waxaa kala hadli kartaa takhtarkaaga, waxaa kaloo jiro daawo dhireedyo dhowr ah oo iyagane lagu daaweeyo sanboorka.

Waxaa ku yarayn kartaa dhibaatada Sanboorka adigoo caba biyo badan, kana fogaada cabidda kafeega iyo coco-colada, waxaa kaloo isku qiiqin kartaa saliid xabad sowdada adigoo uumiga kugu baxo waxay ka mid tahay qaababka guriga la iskugu daaweeyo.

Fadlan haddii aad isku aragto qandho ama qufac ama neefta oo ku dhibayso la xiriir takhtarkaaga sida ugu dhakhsiyaha badan, waxa aad dareemayso Sanboor kaliya ma ahan.

Q/W:Eng: Mohamed Abubakar Abdulkadir


Sawiiro:

in Badan si aqri...

8 Qodob oo ay muhiim u tahay Hooyada Uurka Leh Inay Ka Taxadarto by somaliasoftware.blogspot.com

Hab-nololeedka bulshada somaliyeed waxa weeye mid ku salaysan ad-adeeg taaso salka ku haysa dabeecada iyo degaanka ay ku nool yihin oo ku gedamanyihin caqabado iyo dhibatoyin fara badan, hooyada somaliyeedna waxba kama duwana bulshadaa.

waxay ahayd iyadoo foola mid gudata wajibaadkeeda shaqo ee gurigaa waxay ahayd mid iyadu umula jixijix muujin iskuna qabata hawl kastoo lasoo gudbonata hadda oo aynu joogno qarnigee 21aad wax aadi iskamay badalin dhibaatoyinka baxada leh ee lasoo darsi jirey hooyada somaliyeed gaar ahaan xaladay ugu nugushahay ugana baahi badantahay daryeel dheeriya ee uurka iyo umusha.

waxaynu maqalaa hooyo ilmuhu ka qubtay, mid uu ka dhicisobay, mid ku dhashay xaalad cafimaad oo liidata dhamaan xaladahani waxay ka dhasheen daruufta iyo daryeel la’aanta lasoo darsa hooyada xiligay uurka leedahay.
wa kuwan 8 qodob oo ah hooyadu inay ka taxadarto xiligey uurka leedahay.

1.Cunto aan isu dheeli tirneen:- hooyadu xiliga ay uurka ledahay waxa laga marmaana inay quudato cunto isu dheeli tirin markan waxay quudineysa nafteeda oo qudha ma aha ee wa laba nafood kobaca jidheed ee ilmaha wey ka qayb qadanaysaa cuntada isu dheeli tirani.

2.Taagnida fara badan:- waqtigu ay gabadhu uurka ledahay uma ficna taagnida badan waxa ka dhalan kara barar kaga yimada xaga adimada.

3.Duugista khaldan:- wa dhaqan xun oo so jireen ah kaaso qofaan khibrad u lahyn uduugo qofka kale bulshadeena , uma fiicna gabadha uurka in la duuga waxa ka iman kara cadaadia makaanka ku yimada iyo fool xiligeeda kaso roreysaa.

4.jimicsiga xad dhaafka:- talaba kasta oo hoyadu qado waxa muhiima iney ka fakarto samayntu ku yelanayo uurjiifkeeda jimicsiga saaidkaa ee gaadhsisan 160 garac halkii daqiqadba ee garaca wadnahu waxa keeneysaa ogsijeenta oo ka yaraata taso samayn weyn maskaxdiisa ku yelanaysa.

5. is uuminta iyo qubayska biyaha kulul:- cilmi baadhisyo la sameyey waxay shegeen kuleylka inuu usababi karo ilmaha yar khalkhal neerfayashisa taasu uu aayi doona noloshiisa.

6. sigaar cabista:- sigaar cabisto waxay keeni kartaa fawsha oo xiligeeda kasoo hormarta,ogsijiinta uu ku yarata taaso wiiqaysa samaysanka habdhisyadiisa,misaanka ilmaha oo yaraada , qaangaadhis degdega oo mustaqbalka ilmaha ku dhacda gaar ahaan hablaha ,waxaynay kordhisaa khatarta ilmuhu darooga cab noqon doono mustaqbal
inkastoo hoyooyinka somaliyeed cadadan ku badneyn hadan waa sigaar cabayaasha aan firfirconeen madama ay ku noolyihin guryo abayashu cabaan iyo bulsho inteeda badan sigaarka cabto.

7.warwarka iyo daalka badan:- warwarka iyo walbahaarku wa bilawga xalado caafimaad daro oo fara badan oo ku yimada hooyada iyo ilmaha Waxay usababi kartaaa cabsi ku noolado markuu dhasho.

8.falaadha khatarta:- falaadhaha khatarta sida x-ray waxay ukeneen ilmaha is dhalan rog ku yimada jinaadka ilmaha iyo khalkhal hida sidayaashiisa iyo ilmaha oo dhicisoba.

SAWIIRO:

in Badan si aqri...